БИШКЕК, 15-окт. — Sputnik. Душанбе шаарында Кыргызстан менен Тажикстандын делегациялары эки өлкөнүн чек ара тилкелери боюнча маселелерин талкуулады. Бул тууралуу министрлер кабинетинин маалымат кызматы кабарлады.
© Фото / пресс-служба кабинета министров КР
Өкмөттүк делегациялардын топографиялык жумушчу топторунун жолугушуулары 10-октябрдан 15-октябрга чейин уланган.
"Тараптар кыргыз — тажик мамлекеттик чек араларындагы чечиле элек аймактардагы линиялар боюнча ойлорун айтышты. Соңунда талкууну кийинки жолугушууда улантууну макулдашты. Кийинки жолугушуу Кыргызстанда өтөт, азырынча кайсы күнү болору белгисиз", — деп жазылат маалыматта.