"Буга чейин Кемпир-Абадды өзбек тарап башкарып, жайында керектүү учурда бизге суу бербей, күздө ачып салып каалагандай башкарчу. Азыр андай болбойт, сегиз адамдан турган ишкана түзөбүз, анын төртөө кыргыз тараптан болот. Буга чейин суунун айланасына кыргызстандыктарды киргизчү эмес. Азыр ал жерден мал сугарууга, балык уулоого мүмкүн. Мотор менен суу тартып чыкса болот", — деди Ташиев.
"Өзбек тарап Кемпир-Абадда ар дайым суу болуп турушун каалайт. Сууну какшытып туруп үйлөрдү салып алышпайт. Аларга жеринен да суусу пайдалуу. Анан Өзгөнгө барганда бир аксакал "Кемпир-Абаддын жерин дагы бизге алып калгыла" деди эле. 14-сентябрь күнү Өзбекстандын премьер-министри Абдулла Ариповго чалып ушул маселени көтөрдүм. Ал мага эки сааттан кийин жообун берип, "андай болсо компенсация берген 18 миң гектар жерди кайра бизге калтыргыла" деген шартын койду. Мен ага макул болгон жокмун", — деди Ташиев.