БИШКЕК, 9-окт. — Sputnik. Кыргызстан Жамааттык коопсуздук келишими уюмунун командалык-штабдык машыгуусун өткөрүүдөн баш тартты. Бул тууралуу Коргоо министрлигинин маалымат кызматы кабарлады.
ЖККнун тынчтык орнотуучу күчтөрүнүн "Бузулгус боордоштук — 2022" аттуу аскердик машыгуусун өлкө аймагында октябрь айында уюштуруу пландалган.
Коргоо министрлигинин жетекчилиги аны өткөрүүдөн баш тартты.
Эске салсак, бул уюмга Кыргызстан, Казакстан, Тажикстан, Армения, Россия жана Беларусь мүчө.