БИШКЕК, 5-окт. — Sputnik. Бактыбек Сыдыков "Ата-Журт Кыргызстан" парламенттик фракциясынын лидери болду. Бул туурасында эл өкүлү Элмурза Сатыбалдиев билдирди.
Буга чейин фракцияны Нурлан Шакиев жетектеп турган. Ал төрага болгонуна байланыштуу жаңысы шайланган.
Бактыбек Сыдыков №16 Ноокен шайлоо округунан шайланып парламентке келгенден кийин "Ата-Журт Кыргызстан" фракциясына кирген.