БИШКЕК, 6-окт. — Sputnik. АКШнын Федералдык резервдик системасы пландуу түрдө акча-насыялык саясатты катаалдаштырууну көздөп жатат. Мындай пикирин Совкомбанктын башкы экономисти Михаил Васильев айтканын РИА Новости жазды.
Анын айтымында, бул абал товарларга да, кызматтарга да болгон баанын өсүшүнө алып келет.
"Натыйжада өлкөлөрдө да, компанияларда да олуттуу экономикалык кыйынчылыктар жаралат. Дүйнөдөгү дээрлик бардык мамлекеттерде сырьё доллар менен бааланат, ошондуктан америкалык валютанын күчтөнүшү сырьёнун АКШдан башка өлкөлөрдө кымбатташын шарттайт. Мындай жол менен куну жогорулаган доллар адегенде эле энергетика жана азык-түлүк импорттоочу өлкөлөрдө инфляцияны жаратат. Бул борбордук банктарды валюталардын кунун көтөрүп, аны коргоо үчүн резервдеги каражатты колдонууга мажбурлайт ", — деди Васильев.
Ал белгилегендей, Федералдык резерв системасынын наркы насыялар жана облигациялар боюнча пайыздык чендердин да көтөрүлүшүнө алып келет.
"Анын айынан насыяга акча берүүнүн пайыздык коюмдары көбөйөт. Баарынан мурда мындан доллар менен ири көлөмдө карызы бар Түркия сыяктуу өлкөлөр жабыркайт. Мунун баарын дүйнөлүк экономиканын алдыдагы рецессиясында карай турган болсок, жакынкы жылдар аралыгында компаниялар да, бүтүндөй өлкөлөр да банкрот болуп, дефолт башталуу тобокелчилиги өсөт", — деп сөзүн жыйынтыктады Васильев.