БИШКЕК, 5-окт. — Sputnik. Борбор калаада ишемби күнү, 8-октябрда, масштабдуу ишембилик өтөт. Бул туурасында мэриянын маалымат кызматынан кабарлашты.
"Бишкек шаарынын мэриясы бардык шаар тургундарын, чарба жүргүзүүчү субъектилерди масштабдуу жалпы республикалык ишембиликке катышууга чакырат. Урматтуу шаар тургундары! Айлана-чөйрөгө кам көрүү, тазалык жана ыңгайлуулук ар бирибизден башталат! Четте калбай жарандык активдүүлүктү көрсөтүңүздөр!" — деп айтылат шаардыктарга жасалган кайрылууда.