БИШКЕК, 4-окт. — Sputnik. Москва облусунда жиу-житсу боюнча биринчи жолу Кыргызстандын чемпионаты өткөрүлдү. Бул тууралуу КРдин Жиу-житсу федерациясы кабарлады.
Турнирди федерация уюштуруп, мелдешти өткөрүүгө уюмдун президенти Абдурахман Муртазалиев жана вице-президент Сапарбек Акматов барган.
Россияда болгон Кыргызстандын чемпионатына жүздөн ашуун спортчу катышкан.
"Турнирдин максаты — Россияда иштеп жүргөн мекендештерди колдоо, таланттуу спортчуларды табуу жана аларды курама командага кошуп Азия жана дүйнө чемпионаттарына катыштыруу", — деп жазылган маалыматта.
Жеңүүчүлөр медаль жана дипломдор менен сыйланган.