БИШКЕК, 3-окт. — Sputnik. Нарын облусунун Ат-Башы районунда алты тоо эчкинин этин жүктөп келе жаткан браконьер кармалганын Жаратылыш ресурстары, экология жана техникалык көзөмөл министрлигинин маалымат кызматы кабарлады.
© Фото / пресс-служба Министерства природных ресурсов, экологии и технического надзора
Билдирмеге караганда, браконьерди 3-октябрга караган түнү саат 00:50дө Ат-Башы районундагы "Босого" экологиялык көзөмөл-өткөрүү пунктунан министрлик менен УКМКнын кызматкерлери колго түшүрүшкөн.
© Фото / пресс-служба Министерства природных ресурсов, экологии и технического надзора
"Баш-Кайыңды айылынын тургуну К.А. алты тоо текесин мыйзамсыз атып, этин жүктөп келе жаткан", — деп жазылат маалыматта.
Окуя болгон жерде акт түзүлүп, топтолгон материалдар кошумча иликтөө үчүн укук коргоо органдарына өткөрүп берилгени кошумчаланды.