БИШКЕК, 30-сен. — Sputnik. Бишкек жана Ош шаарлары боюнча мамлекеттик жана муниципалдык жалпы билим берүү уюмдарынын жетекчилерине сынактын экинчи айлампасы жарыяланды. Бул тууралуу Билим берүү жана илим министрлигинин маалымат кызматы кабарлады.
Сынакка катышуу үчүн талапкер документтерди 9-октябрь саат 18:00гө чейин өзүнүн жеке электрондук почтасы (башка бирөөнүн почтасынан болбойт) аркылуу төмөнкү электрондук даректерге жөнөтүшү керек:
Бишкек шаары — konkurs2.bishkek.2022@gmail.com
Ош шаары — konkurs2.g.osh.2022@gmail.com
"Документтерди өз убагында тапшырбаса же алар толук болбосо талапкер сынактан четтетилет. Тестирлөө кайсы күнү кайда болору тууралуу кошумча маалымат берилет", — деп айтылат билдирмеде.
Кандай документтер керектелери министрликтин сайтында жазылган.
Министрлик талапкер жалпы билим берүү уюмунун жетекчисинин бир гана бош кызмат ордуна арыз бере аларын белгилеп, ваканттык орундар менен да жакшылап таанышып чыгууну сунуштады. Бош орундар бар мектептердин тизмесин да министрликтин сайтынан билүүгө болот.
Сынак жөнүндө толук маалымат алуу үчүн 0(505)110108, 0(556)110107, 0(755)112237, 0(778)112238 телефондору аркылуу байланышуу мүмкүн.