БИШКЕК, 28-сен. — Sputnik. Жогорку Кеңештин төрагасы Талант Мамытов Баткенге барып келген депутаттардын маалыматын жабык эшик артында угууну сунуштады.
"Сиздерден суранат элем, ушу маселени жабык эшик артында карасак. Бул менден жеке сураныч", — деди спикер.
Натыйжада маселе жабык каралмай болуп, ЖМК өкүлдөрүн залдан чыгарышты.
Анын алдында кыргыз-тажик чек арасындагы кагылыштын себептери жана соңку протоколдун кесепеттери тууралуу Султанбай Айжигитов менен Мирлан Самыйкожо билдирүү жасаган. Анда да Айбек Маткеримов чыгып жабык кароону сунуштаган, бирок добушка койгондо өтпөй калды.