БИШКЕК, 26-сен. — Sputnik. Ош шаарында Баткен облусунун тургундары үйлөрүнө жөнөтүлө башталды. Бул тууралуу мэриянын маалымат кызматы кабарлады.
Билдирмеге караганда, мэрия Баткенге каалоочуларды гана жиберип жатат.
"Жүргүнчүлөрдү ташуу агенттиги Баткен шаарына алгачкы 150 адамды жеткирүү үчүн 10 кичи автобус уюштурду", — деп айтылат маалыматта.
Эске салсак, 16-сентябрда тажик тарап Кыргызстанга кол салып, мындан улам Баткендеги чек арага жакын айылдардын жашоочулары эвакуацияланган. Алардын кээ бири Ош шаарына убактылуу жайгаштырылган. 25-сентябрда УКМК төрагасы Камчыбек Ташиев чек арада абал тынчыганын айтып, эвакуацияланган эл үйлөрүнө кайта берсе болорун белгилеген.