Кыргызстандык ырчы эфирде 15 жыл мурда жаралса да хит ырлардын катарынан түшө элек "Буй-буй" чыгармасын аткарып, берүүнүн көркүн ачкан. Кийинчерээк Токторовдун жашоосу тууралуу сюжет көрсөтүлгөн. Анда ырчы ата-энесин тааныштырып, алар менен чогуу ырдаган. Маалым болгондой, музыканттын ата-энеси кезинде мугалим болуп иштеген. Экөө тең музыкага жакын адамдар. Атасы комузда кол ойнотсо, апасы ооз комуз кагат.
Берүүдө кыргызстандык ырчы Андрей Малаховго калпак кийгизип, апасынын атынан ооз комуз белек кылган. Андан соң эфирге келген коноктор менен бирге Валерий Леонтьевдин "Зеленый свет" аттуу ырын аткарган.
Буга чейин Токторовдун "Буй-буй" ырына италиялык тиктокер бийлеп, видеосун жарыялагандан кийин ырчыны плагиаттыкка да айыптагандар болгон. Бирок Токторов ырды көчүрүп албаганын айткан. "Буй-буй" элге маанай тартуулап бийлеткени менен жаралуу тарыхы кайгылуу. Ырчы 2007-жылы кытайлык кыргыздарга концерт койгону барып, "Кызыл-Суустан" деп ырдай коюп аз жерден камалып кете жаздаганын айтты. Ошентип келишимдеги гонорарынын бир тыйынын албай кайткан. Келсе эгиз кыздары өлүү төрөлүп, жубайы көзү көрбөй 13 күн реанимацияда жатып калган болот. Ырдагы "Түн караңгы, күн да караңгы, биз ээрчиген ай да караңгы" деген саптар ошол учурду сүрөттөйт.
Тема боюнча: