БИШКЕК, 24-сен. — Sputnik. Министрлер кабинетинин биринчи орун басары Адылбек Касымалиев Россиянын өкмөт башчысынын орун басары Алексей Оверчук менен жолукту. Бул тууралуу өкмөттүн маалымат кызматы кабарлады.
Ага ылайык, тараптар Москвада ЕЭК кеңешинин жыйынынын алкагында жолуккан. Вице-премьерлер эки тараптуу кызматташуунун актуалдуу маселелерине токтолушкан.
"Сүйлөшүүдө бажы тармагында кызматташууга өзгөчө көңүл бурулуп, тараптар көзөмөл-өткөрмө пунктуларын жарыктандыруу, Кыргызстандын аймагында Россия каражатына салына турчу тогуз мектептин курулуш иштери боюнча маселени талкуулашты", — деп жазылат маалыматта.