БИШКЕК, 22-сен. — Sputnik. Мамлекет башчы Садыр Жапаров Беларусь президенти Александр Лукашенко менен телефон аркылуу сүйлөшкөнүн өлкө жетекчисинин маалымат кызматы кабарлады.
Билдирмеге караганда, анда мамлекет башчылар кыргыз-беларусь эки тараптуу жана көп тараптуу кызматташтыгынын артыкчылыктуу багыттарын талкуулашкан. Ошондой эле кыргыз-тажик мамлекеттик чек арасындагы кырдаал боюнча пикир алмашкан.
Тараптар кызыкчылык туудурган бардык багыттар боюнча жемиштүү кызматташууну улантууну да макулдашканы айтылды.