БИШКЕК, 20-сен. — Sputnik. Жогорку Кеңештин депутаты Дастан Бекешев Тажикстандын президенти Эмомали Рахмонго берилген "Бишкектин ардактуу атуулу" наамын жокко чыгарууну сунуштады.
Эл өкүлү мындай демилге менен борбор калаанын мэри Эмилбек Абдыкадыровго жана шаардык кеңештин депутаттарына кайрылуу кат жиберген.
Мындан сырткары, ал шаардагы Кара-Дарыя көчөсүнүн аталышын мекен чегинде курман болгон Эламан Ураимовдун ысымына өзгөртүүнү сунуштаган.
Ачык маалымат булактардагы билдирүүгө караганда, Рахмонго "Бишкектин ардактуу атуулу" наамы 1999-жылы ыйгарылган.