БИШКЕК, 20-сен. — Sputnik. 20-сентябрь саат 08:30га карата кыргыз-тажик мамлекеттик чек арасынын Ош облусунун Чоң-Алай районундагы жана Баткен облусундагы тилкесинде кырдаал салыштырмалуу туруктуу. Бул тууралуу УКМКнын Чек ара кызматы кабарлады.
"20-сентябрга караган түн тынч өттү, терс окуялар катталган жок", — деп айтылат маалыматта.
Эки тараптын жумушчу комиссиялары кырдаалды жөнгө салып, кошумча күч жана каражаттарды чек ара сызыгынан туруктуу жайгашган жерлерине чыгаруу боюнча мурда жетишилген келишимдердин аткарылышын текшерүүнү улантып жатканы кошумчаланды.