БИШКЕК, 20-сен. — Sputnik. ӨКМдин Куткаруучуларды даярдоо мамлекеттик борборунун башчысы Ырысбек Жолдошбаев тажик тараптын кол салуусунан талкаланган объектилер тууралуу маалымат берди.
Анын айтымында, кыргыз-тажик чек арасындагы согуштук аракеттерден кийин Баткен жана Ош облустарында келтирилген зыянды жана кыйратууларды аныктоо боюнча атайын комиссия иштеп жатат.
Куралдуу кагылышууда төмөндөгүлөр талкаланган:
турак жайлар — 364;
чарбалык курулуштар — 168;
социалдык объектилер — 9 (мектеп – 5, бала бакча – 3, ФАП – 1);
стратегиялык объектилер — 5;
кыймылсыз мүлк жана турмуш-тиричиликти камсыздоо объектилери — 149;
автоунаа — 9.
Бул акыркы маалымат эмес, изилдөө жана келтирилген зыянды баалоо боюнча иштер уланууда.