БИШКЕК, 19-сен. — Sputnik. Апта ичи Ысык-Көлдө аба ырайы жаанчыл болушу күтүлүүдө. Бул тууралуу Кыргызгидромет агенттиги маалымдады.
Бул аймакта 19-сентябрдан 23-сентябрга чейин жамгыр жаашы ыктымал. 24-25-сентябрда тоолуу райондордо да өткүн өтүшү мүмкүн. Анткен менен абанын температурасы 20...25 градус жылуу болот. Батыштан соккон шамалдын ылдамдыгы секундасына 4-9 метрге жетиши мүмкүн.