БИШКЕК, 19-сен. — Sputnik. Баткен, Ош жана Жалал-Абад облустарындагы мектеп директорлорун дайындоо конкурсу белгисиз мөөнөткө жылдырылды. Бул тууралуу Билим берүү жана илим министрлигинин маалымат кызматы кабарлады.
Ага ылайык, мектеп жетекчилерине сынак кыргыз-тажик чек арасындагы жаңжалга байланыштуу белгиленген мөөнөтүндө өтпөй калды. Министрлик сынак качан болору тууралуу кошумча маалымат берилерин белгиледи.
Эске салсак, мектеп директорлугуна жарыяланган конкурстун биринчи айлампасы бүтүп, экинчи айлампасы башталган.