БИШКЕК, 19-сен. — Sputnik. Кыргызстан бүгүн Тажикстандын кол салуусунан курман болгон жарандарын жоктоп, аза күтүп жатат.
Куралдуу кагылышта 59 кыргызстандык набыт болду, арасында жай тургундар дагы бар.
Өлкөнүн бардык аймактарында жана чет өлкөлөрдөгү дипломатиялык өкүлчүлүктөрдө желектер түшүрүлгөн. Маданий мекемелерге жана телерадиокомпанияларга көңүл ачуучу программаларды көрсөтпөө сунушталат.
Sputnik Кыргызстан редакциясы курман болгондордун жакындарына жана туугандарына терең кайгыруу менен көңүл айтат. Аза кайгыңыздарды тең бөлүшөбүз!