БИШКЕК, 19-сен. — Sputnik. Кыргыз-тажик чек арасындагы куралдуу кагылыштан улам дайынсыз болуп жаткан төрт адам табылды. Бул тууралуу ӨКМдин маалымат кызматынан билдирди.
Алар Ак-Сай айылынын тургундары экени белгилүү болду.
"Төртөө тең куралдуу кагылышуу учурунда Мойнок тоосун көздөй качып, ошол жерде жашынып жаткан", — деп айтылат билдирүүдө.
Кечээ аларды ӨКМ кызматкерлери таап, арасында улгайган адам болгондуктан, бардыгы тик учак менен Баткенге жеткирилген.