БИШКЕК, 17-сен. — Sputnik. Кыргыз-тажик чек арасындагы чырдан кыргыз тараптан жоготуулар көп. Бул тууралуу УКМКнын төрагасы Камчыбек Ташиев билдирди.
Анын айтымында, көз жумгандардын басымдуу бөлүгү аскер кызматкерлери.
"Чыр-чатакта жоготуулар болот экен. Жоготуулар көбүнчө аскер кызматкерлеринин арасында болду. Ачык айтайын, жоготуулар көп. Жарадар болгондор да арбын. Жай жарандардын арасында жоготуу аз. Анткени аларды убагында көчүрүп кеттик", — деди ал.
Ал абалды жөнгө салуу боюнча жарым саат сайын Тажикстандын УКМК төрагасы менен сүйлөшүп жатканын кошумчалаган.