БИШКЕК, 17-сен. — Sputnik. Тажик тараптын аткылоосунан Баткенде 24 кыргызстандык көз жумду. Бул тууралуу Саламаттык сактоо министрлигинин маалымат кызматы кабарлады.
Чек арадагы чырдан 87 адам жабыркаган. Анын ичинен бешөө амбулатордук дарыланууга жөнөтүлдү. Жарадар болгондордун 27си Бишкектеги ооруканаларга жаткырылганы кошумчаланды.
Буга чейин УКМКнын төрагасы Камчыбек Ташиев чек арадагы жаңжалдан көп адам каза болгонун, алар аскер кызматкерлери экенин айткан.