БИШКЕК, 16-сен. — Sputnik. Баткен районунун Кара-Бак айылынын чок ортосундагы унаа жолго тажик тарап аткан миномёттун снаряды келип түштү. Бул туурасында жергиликтүү тургун Мырзабек Бекмуратов билдирди.
Анын айтымында, снаряд асфальтка сайылып, жарылбай туруп калган. Тургун Кара-Бак айылындагы атышуу жарым саат мурун басылганын билдирди. Бул жакта жашаган тургундардын баары Баткен шаарына эвакуацияланган. Айыл шаардын борборунан 12 чакырым алыстыкта жайгашкан.