БИШКЕК, 16-сен. — Sputnik. Саат 15:00гө карата Баткен облусунун ооруканаларына чек арадагы жаңжалдан жабыркаган 42 киши түштү. Бул тууралуу Саламаттык сактоо министрлиги кабарлады.
"Баткен облустук бириктирилген ооруканада 19, Лейлекте 18 бейтап бар. Жаракат алган дагы беш киши Бишкекке жөнөтүлдү. Кошумча маалымат берилет", — дешти министрликтен.
Бишкектен Баткенге Улуттук госпиталдан медиктердин үч бригадасы чыгып кеткени айтылды. Алардын арасында нейрохирургдар, жалпы хирургдар, кан тамыр хирургдары, анестезиолог-реаниматологдор бар.