БИШКЕК, 15-сен. — Sputnik. Садыр Жапаров ШКУ өлкөлөрүнүн лидерлери менен “Самарканд Жибек жолу” туристтик комплексинде бак отургузду. Бул тууралуу президенттин маалымат кызматы билдирди.
Шанхай кызматташтык уюмунун саммитине келген мамлекет башчылары кечки Самаркандда сейилдеп, "Жибек жолу Самарканд" жана "Түбөлүк шаар" туристтик комплексине барган. Иш-чарага катышуу үчүн жалпы 15 мамлекеттин жетекчилери келген.
Андан соң өлкө башчылары майрамдык концерттик программанын коштоосундагы сый тамакка өтүштү.