БИШКЕК, 15-сен. — Sputnik. Жыл башынан бери 500гө чукул бөбөккө Акжол, Жоламан жана Амантур ысымдары ыйгарылган. Бул тууралуу Санарипти өнүктүрүү министрлигинен кабарлады.
Эске салсак, Акжол Махмудов менен Жоламан Шаршенбеков күрөш боюнча Сербияда өткөн дүйнө биринчилигинде чемпион болуп алтын медаль алса, Амантур Исмаилов коло медалга татыды.
"1-январдан тарта 15-сентябрга чейин Акжол ысымы 292, Жоламан 30, Амантур 172 ымыркайга ыйгарылган", — деди Санарипти өнүктүрүү министрлигинен.
Ведомстводон ата-энелердин баласына же кызына ат тандоодо маанисине көңүл бурарын айтып берди.
"Көп учурда балдарына улуу инсандардын атын ошол кишинин жолун жолдоп, мамлекеттин өнүгүшүнө салымын кошсун деген тилек менен ыйгарат", — деди министрликтен.
Былтыр Токиодогу олимпиада чемпиондорунун урматына Акжол Махмудовдун, Айсулуу Тыныбекованын жана Мээрим Жуманазарованын урматына миңге чукул ымыркайга ушундай ысымдар ыйгарылган. 2021-жылдын октябрында жаңы төрөлгөн үч эмге спортчу кыздар Айсулуу, Мээрим жана Айперинин ысымын берген.