БИШКЕК, 14-сен. — Sputnik. Президент Садыр Жапаров бүгүн, 14-сентябрда, Өзбекстанга иш сапар менен келди. Бул туурасында мамлекет башчынын маалымат кызматынан кабарлашты.
Жапаров түшкөн учак Самарканд шаарынын эл аралык аэропортуна конуп, президентти Өзбекстандын өкмөт башчысы Абдулла Арипов тосуп алган.
Аэропорттун флагштокторуна ШКУ саммитине катыша турган өлкөлөрдүн мамлекеттик туулары илинип, килем төшөлүп, Ардак кароол тизилген.
Эске салсак, иш сапардын алкагында Садыр Жапаров ШКУга мүчө-мамлекеттердин башчыларынын кеңешинин жыйынына катышат.
Ал жактан саммиттин алкагында Жапаров жогорку деңгээлдеги бир катар эки тараптуу жолугушууларды өткөрөт.