БИШКЕК, 14-сен. — Sputnik. Баткендин Булак-Башы аймагындагы кыргыз-тажик чек ара чырында Кыргызстан тараптан эки жоокер жаракат алды. Бул тууралуу Чек ара кызматы соңку маалыматында айтты.
"Миномёттун снаряды жарылганда анын сыныктары денесин чийип өтүп, бир чек арачы жеңил жараат алган. Экинчи жоокер контузия болгон", — деп айтышты.
Аларга бардык керектүү медициналык жардам көрсөтүлүп, аскер кызматкерлери дарыгерлердин көзөмөлүндө экени айтылды. Дарыгерлер жоокерлердин абалын канааттандырарлык деп баалоодо.