БИШКЕК, 12-сен. — Sputnik. Борбор калаада 17-сентябрда массалык ишембилик өтөт. Бул тууралуу муниципалитеттин маалымат кызматы пландык кеңешмеде айтылганын билдирди.
Негизги басым короо ичиндеги аймактарды тазалоого багытталары айтылды.
"Тазалык" муниципалдык ишканасына таштандыларды өзүнчө чогултуу үчүн тиешелүү таштанды контейнерлерин сатып алуу боюнча сунуштарды берүү, ал эми акимчиликтерге сынамык долбоор ишке ашырыла турган даректерди аныктоо тапшырылды. Мэр Эмилбек Абдыкадыров "Бишкек асфальт сервис" мекемесине шаардык жолдорго тиешелүү белгилерди түшүрүү жана тротуарларды оңдоо боюнча иштерди тездетүүнү тапшырды", — деди мэриядан.