БИШКЕК, 8-сен. — Sputnik. Сокулук районунда социалдык кызматкерлер бала бакчанын имаратына кирип алып, чыкпай жатат. Бул туурасында Жогорку Кеңештин депутаты Аманкан Кенжебаев билдирди.
Анын айтымында, Сокулуктун борборунда Социалдык камсыздоо министрлигинин бөлүмү менен Социалдык фонд жайгашкан имарат бар. Ал мурда бала бакча болгон.
Имаратты бошотуу боюнча соттун чечими жана прокуратуранын сунуштамасы чыкканына карабай азыркыга чейин бошотпой жатышат.
Депутат ансыз да бала бакчалар жетишсиз экенин белгилеп, министрлер кабинетинин парламенттеги өкүлүнөн ушул маселени көзөмөлгө алышын суранды.