Кайгуул милициянын взвод башчысы параны шакек менен алып жатканда кармалды. Сүрөт

Башкы прокуратура айдоочуну автоинспектор пара берүүгө аргасыз кылган деп билдирди.
Sputnik
БИШКЕК, 8-сен. — Sputnik. Бишкектеги Кайгуул милиция башкармалыгынын полкунун взвод башчысы А.Б.Т. зергер айдоочудан баалуу шакегин талап кылып, пара катары алып жаткан жеринен кармалды. Бул туурасында Башкы прокуратуранын маалымат кызматынан кабарлашты.
1 / 2

Бишкектеги Кайгуул милиция башкармалыгынын полкунун взвод башчысы А.Б.Т. зергер айдоочудан баалуу шакегин талап кылып, пара катары алып жаткан жеринен кармалды

2 / 2

Башкы прокуратура айдоочуну пара берүүгө аргасыз кылган деп билдирди.

"ИИМдин ички иликтөө кызматына Г.С. аттуу жаран Кайгуул милициянын А.Б.Т. аттуу кызматкерине чара көрүү жөнүндө арыз менен кайрылган. Ал жогоруда аталган жарандан жол эрежесин бузгандыгы үчүн жоопкерчиликке тартпоо сунушу менен андан зергердик буюм, тактап айтканда баасы 30 000 сомдук алтын шакегин пара түрүндө талап кылган", — деп айтылган маалыматта.
Башкы прокуратура айдоочуну пара берүүгө аргасыз кылган деп билдирди.
"А.Б.Т өзүнүн кызматтык абалын жана ыйгарым укуктарын колдонуп, Г.С. зергер буюмдарын жасоонун чебери экендигин билип туруп, аны пара берүүгө аргасыз кылган. Учурда Бишкек ИИБинин патрулдук милиция башкармалыгынын полкунун взвод башчысы А.Б.Т. шектүү катары кармалып Бишкек ШИИБдин убактылуу кармоочу жайына киргизилди", — айтылган кабарда.
Башкы прокуратурадан кылмышка шектүүнүн башка ушул сыяктуу кылмыштарга катыштыгы такталып жатканын кошумчалашты.
Паспортту мыйзамсыз берип, пара алып... "Инфокомдун" кызматкери кармалды