БИШКЕК, 2-сен. — Sputnik. Улуттук банктын төрагасынын орун басары Нурбек Жеңиш ээлеген кызматынан бошотулду. Бул тууралуу башкы банктын маалымат кызматы билдирди.
Тиешелүү тескемеге президент Садыр Жапаров 30-августта кол койгон.
Нурбек Жеңиш бул кызматты 2014-жылдан бери аркалап келген.
"КРдин Улуттук банкы жөнүндө" мыйзамга ылайык, банктын төрагасынын орун басарлары президент тарабынан жети жылдык мөөнөткө дайындалат. Бир эле адам эки мөөнөттөн ашык иштей албайт.
