"Бул күнү окуучу, мугалим, ата-эне — баарында келечекке жаркын максат коюлуп, үмүт-тилектердин оту жанган башкача сезим-туюмдар жаралат. 1-сентябрь — айрыкча окуучулардын эсинде кала турган шаңдуу күн. Ошондуктан бул күнү республиканын бардык окуу жайлары эшигин кенен ачып, майрам ээлерин кучагын жая тосуп алат", — деген Жапаров.
"Кымбаттуу окуучулар! Кыргызстаныбыздын, эл-жерибиздин жаркын келечеги ар бириңердин жоопкерчилигиңерге жараша болот. Силердин татыктуу тарбия, терең билим алууңар — мамлекеттин келечегине кошкон чоң салымыңар. Таалим-тарбиялуу, билимдүү жаштар гана алдына конкреттүү максат коюп, турмуш жолуна ишенимдүү чыйыр салып, коомчулукта татыктуу ордун таба алат. Мен силердин Кыргызстандын келечегин көрө алган, ага ишенген, Ата Журтуна салым кошкон уул-кыздарыбыздан болуп чыгарыңарга бекем ишенем!" — деген президент.