Харьков облусунун Волчанск райондук администрациясындагы билим берүү бөлүмүнүн башчысы Вера Сороковая Киев режими тарабынан жергиликтүү мугалимдерге коркутуп-үркүтүү болгондугун билдирди.
Андан сырткары, мындай нерсе алардын ишине кандай таасир кылгандыгын айтып берди.
"Июнь-июлда чындыгында эле оор болду, мугалимдерге ар кыл коркутуп-үркүтүүлөр жасалды. Социалдык тармактан сырткары Украинанын расмий ЖМКлары тарабынан да айтылды, себеби ал кезде украин каналдары иштеп жаткан. Эл чындыгында эле администрациялык кызматка иштегенден, мугалим болгондон коркту. "Биздикилер — украиналыктар кайтып келгенде силер 10-15 жылга кесилесиңер" деген нерселерди да айтышкан", — деп баяндады Сороковая.
Мындай кеп-сөздөрдөн кийин көптөр иштен баш тартып, эки айга жакын жаңы мугалимдерди издөөгө, башкаларына түшүндүрүү иштерин олуттуу жүргүзүүгө туура келген. Жыйынтыгы жаман болгон жок.
"Акырында иштейм дегендер келишти", — деп кошумчалаган ал.
Тема боюнча: