БИШКЕК, 29-авг. — Sputnik. Украиналык аскерлердин аткылоосунан Запорожье атомдук электр станциясынын атайын корпусунун чатыры тешилди. Бул тууралуу Запорожье облустук администрациясынын мүчөсү Владимир Рогов Telegram каналына жазган.
"Зеленскийдин согушкерлеринин соккусунан улам Запорожье АЭСинин №1 атайын корпусунун чатыры тешилип калды. Ал жакта ЗАЭСтин реакторлору үчүн күйүүчү май сакталат", — деген ал.
Энергодардын бийлиги Запорожье АЭСиндеги абал көзөмөлдө экенин айтып, радиациялык фон нормасында турганын кошумчалаган.
Алар украин аскерлери АЭС жана ага жакын жайгашкан калктуу конуштарды көздөй тынымсыз аткылап жаткандыктарын белгилешкен.