БИШКЕК, 29-авг. — Sputnik. Бишкекте балдар жана өспүрүмдөр командалары арасында президенттин кубогу үчүн хоккей боюнча эл аралык турнир башталды. Бул тууралуу Маданият, маалымат, спорт жана жаштар саясаты министрлиги билдирди.
Билдирмеге караганда, аталган турнирге улуттук спорттун тарыхында биринчи жолу "Кыргызстандын президентинин кубогу" жогорку статусу ыйгарылган.
"Спорттук иш-чаранын ачылышына мамлекеттик катчы Сүйүнбек Касмамабетов, маданият, маалымат, спорт жана жаштар саясаты министри Азамат Жаманкулов катышты", — деп айтылат билдирмеде.
Турнир 10, 13 жана 14 жаштагы балдар арасында өткөрүлүп, анда АКШ, Румыния, Түркия, Эстония, Латвия, Өзбекстан, Казакстан жана Кыргызстандын аймактарынан келген спортчулар мелдеше турганы кошумчаланды.