БИШКЕК, 29-авг. — Sputnik. Борбор калаага ырчы Ая (Светлана Назаренко) баштаган "Город 312" музыкалык тобу келди. Бул тууралуу Маданият, маалымат, спорт жана жаштар саясаты министрлиги билдирди.
Музыкалык топтун мүчөлөрүн "Манас" аэропортунан Маданият министрлигинин өкүлдөрү тосуп алышкан.
"Город 312" тобу эртең, 30-августта, кечинде Дөлөн Өмүрзаков атындагы стадиондо Кыргызстан менен КМШ өлкөлөрүнүн футбол боюнча ардагерлеринин беттешинин алдында өнөрүн тартуулайт. Спорттук иш-чара жана концерт Кыргызстандын Эгемендүүлүк күнүнө карата уюштурулууда. Баса, аталган футболдук беттешке мамлекет башчы Садыр Жапаров да катышмакчы.