БИШКЕК, 28-авг. — Sputnik. Ысык-Көлдүн түбүнөн узундугу 44 600 метр келген 446 даана балык уулоочу торлор алынды. Бул туурасында Айыл чарба министрлиги билдирди.
Ысык-Көлдүн түбүнөн узундугу 44 600 метр келген 446 даана балык уулоочу торлор алынды
© Фото / пресс-служба Министерства сельского хозяйства
Маалыматка ылайык, көлдү браконьерлердин торлорунан тазалоо иштери улантылууда. Мындай жумуштар Балык чарба департаменти, туристтик жана экологиялык милиция, Ысык-Көл мамлекеттик коругу, Экология жана Өзгөчө кырдаалдар министрликтери менен биргеликте жасалууда.
Президенттин Ысык-Көл облусундагы өкүлү Алтынбек Сулаймановдун буйругу чыгып, бардык мамлекеттик кызматкерлер Ысык-Көлдү тордон тазалоо иш-чарасына катышып жатканы белгиленди.