БИШКЕК, 28-авг. — Sputnik. Кыргызстанда жеке жактардын банктарга салган депозиттеринин орточо көлөмү 22 миң сомду түзөт. Бул туурасында Улуттук статистика комитети билдирди.
2022-жылдын биринчи жарым жылдыгында жеке жактардын депозиттеги акчасынын суммасы 124,1 миллиард сомго жеткен. Анын ичинен 43,6 миллиарды чет элдик валютада. Депозиттин орточо көлөмү 22 008,1 сомду түзөт.
Өткөн жылдын соңунда депозиттеги каражаттын жалпы саны аз болчу (119,9 миллиард сом), бирок орточо суммасы көп (24 210) катталган.