БИШКЕК, 23-авг. — Sputnik. АКШ Украинанын жеңишке жетерине ишенбей калды. Жогорку технологиядагы курал-жарак жөнөтүп жаткандыктан Вашингтон абалдын курчуп кетишинен кооптонууда. Бул тууралуу АКШнын мамлекеттик катчысынын глобалдык маселелер боюнча мурдагы жардамчысы Роберт Мэннингдин айтымына таянып Hill жазды.
Эксперттин пикиринде, Вашингтон Кытайга карата тышкы саясатын орой жүргүзүүдө. Бирок Россиянын атайын операциясына түздөн-түз кийлигишүүгө батына албай жатат.
"АКШ Украинадагы чыр-чатакка этияттап мамиле кылууда. Алар союздаш мамлекеттерди бириктирип, аскердик техника берип, жеке түзүмдү окутуп жатканы менен операцияга түздөн-түз кийлигише алган жок", — деди ал.
Мурдагы аткаминер Тайвандагы кырдаалга салыштырмалуу АКШнын Киев алдында коргонуу жаатында эч кандай милдети жок экенин белгилеген.
24-февралдан бери Россия Украинаны демилитаризациялоо боюнча атайын операция жүргүзүүдө. РФ лидери Владимир Путин анын милдетин "сегиз жылдан бери Киев режими тарабынан геноцидге дуушар болгон адамдарды коргоо" деп атаган. Президенттин айтымында, түпкү максат — Донбассты бошотуу жана Россиянын өзүнүн коопсуздугуна кепилдик бере турган шарттарды түзүү.