"Жаңы Конституция кабыл алынгандан кийин сот тутумуна тиешелүү беш мыйзамга өзгөртүү киргизилип, кабыл алынды. Сот адилеттиги иштери боюнча кеңеш түзүлүп, анын курамына сегиз судья, Жогорку Кеңештен, президенттик администрациядан жана Курултайдан бирден адам кире турган болду. Муну кадрларды тандоо боюнча жакшы баскыч катары эсептөөгө болот. Мындан тышкары, өткөн жылы судьялардын маянасы 100 пайызга көтөрүлдү. Ошондой эле тиешелүү комиссия түзүлүп, 312 судья ротацияланды. Максаты — коррупциялык тобокелчиликтерди азайтуу, кызыкчылыктардын кагылышуусун төмөндөтүү. Себеби айрым судьялар 20 жылга чейин бир жерде иштеп, айрымдары өзү туулуп-өскөн аймакта иштеп жүргөн. Бул айрым учурларда адилеттүү чечим кабыл алууга тоскоолдук жаратышы ыктымал. Ошондой эле иштеген жеринин которулушу менен судьялардын иш категориясы өзгөрүп, алардын тажрыйбасын арттырууга шарт түзөт", — деди Молдакунов.