БИШКЕК, 21-авг. — Sputnik. Токмок шаарынын тушунда Lexus 570 үлгүсүндөгү автоунаа менен Fiat Punto жеңил машинасы кагышып, кырсыктан беш адам жабыркады. Бул тууралуу Чүй ЖКККББ кабарлады.
Жол кырсык 20-августта саат 17:20лар чамасында Бишкек — Нарын — Торугарт жолунун 69-чакырымында болгон.
"Lexus 570 чыгыштан батышты көздөй кетип баратканда ошол эле тарапты көздөй трассанын оң тарабында турган Fiat Punto автоунаасы жолго чыга калган", — деп айтылат маалыматта.
Кырсыктан жеңил автоунаадагы беш адам жабыркап, Токмок шаарындагы аймактык ооруканага кайрылышкан. Алардын арасында үч жаштагы бөбөк бар.