БИШКЕК, 21-авг. — Sputnik. Ош шаарында эң узун делген Курманжан датка көчөсүндөгү тротуарды реконструкциялоо башталды. Бул туурасында мэриянын маалымат кызматы билдирди.
Мында жасалуучу тротуардын узундугу 5,5 чакырым, туурасы үч метр болот. Аталган иштер жылдын аягында бүткөрүлмөкчү.
Быйыл калаада 38 көчөнүн тротуарларын реконструкциялоо пландалганы белгиленди. Учурда 18 көчөнүн боюндагы 26 чакырым тротуарда иш жүрүп жатат. Бардык жумуштар ушул жылдын соңуна чейин бүтүрүлөрү айтылды.