БИШКЕК, 21-авг. — Sputnik. Кыргызгидромет агенттигинин божомолу боюнча, алдыдагы аптада Ош облусунда күн ысык болот.
22-августтан апта аяктаганга чейин дубандын дыйканчылык аймактарында жаан-чачын күтүлбөйт. Күндүн табы 29...34 градуска чейин ысышы ыктымал. Ош шаарында да күн ачык болот. Ал эми тоо этектеринде жана тоолуу аймактарында күндүз жамгыр себелеп турушу мүмкүн.