БИШКЕК, 21-авг. — Sputnik. Футбол боюнча эл аралык федерация (FIFA) 2022-жылы Катарда өтө турган футбол боюнча дүйнө чемпионатынын клибин сунуштады. Ага кыргызстандык Азиза Сыртбаева да тартылган.
Клиптеги Arhbo чыгармасын пуэрториколук музыкант Ozuna менен франциялык рэпер Gims аткарышкан. Алар англис, француз жана испан тилдеринде ырдашкан.
Клипте кыздар, балдар дүйнө чемпионатынын финалдык бөлүгүнө катыша турчу курама командаларды көрсөтөт. Алардын беттерине курама командалардын мамлекеттеринин желектери тартылган.
Азиза Сыртбаева клипте Япония мамлекетин тааныштырган. Клипке тартылуу сунушун Катардагылар киргизген. Белгилей кетсек, ал учурда Катарда жашайт.