БИШКЕК, 19-авг. — Sputnik. Акыркы он жыл ичинде Россия Кыргызстанга гуманитардык жардамдын алкагында 100 миллион доллар берген. Бул тууралуу Кыргызстандагы Россотрудничество агенттигинен кабарлады.
Маалыматта 19-августта Гуманитардык жардам боюнча эл аралык күн белгиленери айтылган. Мындан 10 жыл илгери Россия өкмөтү Кыргызстанда БУУнун Дүйнөлүк азык-түлүк программасы боюнча социалдык жана гуманитардык долбоорлорду каржылап баштаган. Алар Талас, Нарын, Ош, Жалал-Абад жана Баткен облустарындагы жетишпей жашаган үй-бүлөлөргө колдоо көрсөтүү үчүн ишке ашырыла баштаган.
"Гуманитардык жардамдын башкы максаты — мамлекеттин социалдык-экономикалык жактан өнүгүүсүнө салымын кошо турган финансылык, техникалык жана экономикалык жардамды көрсөтүү. Буга чейин Россия Кыргызстанга эле 100 миллион доллар суммасында финансылык жардам кылган", — деп айтылат маалыматта.
Маалыматта облустар, локдаун учурунда райондор ортосундагы каттамдар чектелип калганда да Кыргызстандын аймагына гуманитардык жардам жеткирүү дээрлик токтобогондугу белгиленген.
БУУнун Дүйнөлүк азык-түлүк программасы боюнча координатору Майрамбек Сартбаев чектөөлөргө карабастан Россиядан келген жүк Нарын облусунун беш айыл өкмөтүнө жеткирилгендигин айтып берди. Андан сырткары уюмдар арасында өзгөчө орунду Россия берген гуманитардык долбоорлорду ишке ашырып келген Россия-кыргыз өнүктүрүү фонду ээлерин билдирди. РКӨФ эки өлкөнүн экономикалык, модернизациялоо жана Кыргызстандын экономикасын өнүктүрүү боюнча кызматташтыгына көмөктөшүү үчүн түзүлгөн.
"Россия Кыргызстан менен өнөктөштүктө бир катар билим берүү мекемелерине окуу адабияттарын берүүнү каржылады, менчик мектептерди жана бала бакчаларды курууга демөөрчү болду. Россия ири жардамды медициналык долбоорлорду ишке ашыруу жаатында көрсөттү", — деп белгилеген РКӨФ башкармалыгынын мүчөсү Бакыт Курманбеков.
Андан сырткары дагы бир топ тармактардагы жардамдар, кызматташуу да белгиленген.
"1922-жылы топтолгон тажрыйбага таянып РКӨФ Кыргызстанда өнүктүрүү боюнча эл аралык институт катарында өзүнүн позициясын бекемдөөгө ниет кылып жатат. Анын негизги миссиясы — Кыргызстан менен Россиянын экономикалык кызматташтыгына көмөктөшүү, интеграциялык максатта Кыргызстандын экономикасын өнүктүрүү жана модернизациялоо", — деп кошумчалаган Россотрудничестводон.