Ата мекендик танкачылар өз тобунда Россия, Кытай, Беларусь командалары менен ат салышууда. Биринчи дивизиондо жалпы 10 команда бар.
Биринчи этап 14-августта өткөн, үчүнчү этап 21-август күндөрү болот. Үч оюндун жыйынтыгында көп упай алган сегиз команда жарым финалга чыгат.
"АрМИ-2022" оюндарынын алкагындагы "Танк биатлону — 2022" сынагы 13-27-август аралыгында "Алабино" полигонунда өтөт. Турнирде Кыргызстандын атынан төрт экипаж чыгат. Жарыш талаасында туура багыт алуу, танканы башкаруу, таамай атуу жана ок атууну башкаруу боюнча жөндөмдөрү бааланат.