БИШКЕК, 16-авг. — Sputnik. Бишкекте мэрия гезит саткан күркөлөрдү бир стилге келтирүүгө ниет кылып жатат. Жаңы эскиздерди "Бишкек башкы архитектура" ишканасы карап беките тургандыгын мэриянын маалымат кызматынан кабарлашты.
Шаардык бийлик жаңы эскиздеги павильондор борбор калаанын архитектурасына бап келет деген ойдо.
Маалыматта азыр иштеп жаткан күркөлөрдүн ээлерине башка жерден орун сунушталары, ал эми ижара акысы боюнча келишими кайра түзүлөрү айтылган.
Муниципалдык инспекция уруксат кагазы жок объектилерди коюлган жерлеринен алмакчы. Ал эми ижара боюнча келишими барларга орун которуу боюнча түшүндүрүү иштери жүргүзүлөрүн кошумчалашты.