БИШКЕК, 11-авг. — Sputnik. Баткен облусунда мектеп директорлугуна ат салышкан 60 талапкер компьютердик тестирлөөнү ийгиликтүү тапшырды. Бул туурасында Билим берүү жана илим министрлиги билдирди.
Аталган аймакта бүгүн, 11-августта, тестирлөө болуп, ага жалпысынан 147 талапкер катышкан. Анын ичинен 87си босого баллга жетпей сынактан өтпөй калган. Тестирлөөгө катталган эки талапкер келген эмес.
Тестирлөөдө бир талапкер 74 пайыздык упай алып эң жогорку көрсөткүчкө жетти.
Баткен облусу боюнча мектеп директорлугуна 98 ваканттык орун бар болчу.